Í fyrra var fyrsti alþjóðlegi Terra Madre dagurinn haldinn hátíðlegur um heim allan, Slow Food samtökin fögnuðu þá 20 ára afmæli sínu og um 1500 viðburðir voru skipulagðir í öllum þeim 130 löndum sem eru Slow Food convivia eða deildir. Það stefnir í það sama í ár, en þessar samkomur munu einnig safna peningum fyrir „1000 garða í Afríku“ verkefni þar sem stefnt er að því að móta matjurtagarða með heimamönnum eftir Slow Food hugmyndafræðinni; gott, hreint og sanngjarnt, til að rækta staðbundnar og lífrænar matjurtategundir sem munu brauðfæða þorpin til lengri tíma. Hér verður Terra Madre dagurinn haldinn undir merki „Hittið framleiðandann“ og verða smáframleiðendur á eftirfarandi stöðum að kynna afurðir sínar:

  • Frú Lauga (v/Laugalæk) - bakari frá Sólheimum og fleiri
  • Búrið (Nóatúni 17) - Jóhanna frá Háafelli (ís úr geitamjólk) og Urta Islandica (íslenskar jurtir)
  • Ostabúðin (Skólavörðustig 8) - lífræn vín og heimatilbúnar kjötvörur
  • Dill Restaurant - Jólamatseðill með alíslensku hráefni
  • Höfn í Hornafirði - Slow Food deild Í Ríki Vatnajökuls verður með kvöldverð með hráefni frá héraðinu

Fleiri aðilar munu halda Terra Madre deginum á eigin forsendum, til dæmis með matarboð tileinkuðu staðarmatvæli eins og á Patreksfirði og Flateyri.
Okkar skilaboð: hafðu það "slow" þann 10. desember, andaðu í jólaösinni, taktu þinn tíma til að velja og borða góðan mat „hreinan og sanngjarnan“.

Terra Madre er alþjóðlegt átak sem ætlað að tengja saman bændur og matvælaframleiðendur,  matreiðslumenn, nemendur, sérfræðinga og alla þá sem áhrif geta haft til að vernda matarmenningu og stuðlað að sjálfbærri matvælaframleiðslu.  Hægt er að nálgast upplýsingar um alla þá viðburði sem í boði eru í 150 löndum þann 10. desember á www.slowfood.com.

Nokkrar tölur um ástand heimsins:

  • Samkvæmt tölum frá FAO er ræktun nægileg til að brauðfæða 12 miljarða jarðabúa en nú erum við 6,3 miljarðar – og á meðan rúmlega milja. jarðabúar eru í hungursneyð er helmingnum af matvælaframleiðslunni hent...
  • 1,7 milja. íbúa þjást af offitu, sykursýki eða öðrum sjúkdómum sem hægt að rekja til næringu sem ekki er í lagi.
  • Í Bandaríkjunum fara 146 milja. USD í að lækna þessa sjúkdóma en G8 þjóðir lofuðu 20 milja USD til að bregðast við verstu hungursneyð þróunalanda – sem hafa enn ekki skilað sér í peningum (sjá www.srfood.org).
  • Í Bandaríkjunum eru 22 000 t af ætu matvæli hent í rusli á hverjum degi, 4000 t á Ítalíu, 50 000 t í ESB-löndunum öllum.
  • Bændum fækkar með hraði: voru 40% af íbúafjölda Bandaríkjanna í 1950, eru 1% í dag, voru 50% á Ítalíu 1950 og eru í dag 4%.
  • Fjölskyldur eyddu í 1970 32% af tekjunum sínum í mat en í dag 12% - á meðan þær eyða 12-14% á GSM símum.
  • Árið 2008 voru fleiri búsettir í stórum borgum en í sveitum – hver ræktar svo afurðir til að brauðfæða okkur?
  • Í heiminum öllum hverfa 50 matjurtategundir daglega.
  • Bændur fá 0,09 $ pr dollar af matvælum sem neytendur kaupa, afgangurinn fer til milliliða og í flutningskostnað.
  • 36 af 40 ríkjum í Afríku rækta korn sem er flutt út til Bandaríkjanna í dýrafóður á meðan neyðarhjálpin sendir neyðarmatvæli til margra þeirra landa.

Sjá vef Slow Food Reykjavík samtakanna.

Birt:
10. desember 2010
Tilvitnun:
Dominique Plédel Jónsson „Terra Madre dagurinn er í dag“, Náttúran.is: 10. desember 2010 URL: http://nattura.is/d/2010/12/10/terra-madre-dagurinn-islandi/ [Skoðað:28. júní 2017]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Skilaboð: